نكات منوعه

رباطابى عنده لورى مسافر بيه وفى الطريق
اللورى اتقلب قام جاء واحد شايقى
ماشى قام سأل الرباطابى قال ليهو يا زول
انت اللورى ده اتقلب قام الرباطابى
قال ليهو لا أنا متاكيهو عشان أقعد فى ضله

قال ليك في اتنين من حلفا ربك سترا معاهم
وسافروا نيويورك وسكنو في عماره من 220 طابق
في الطابق رقم 200 وما بعرفوا يستخدمو المصعد
بطلعو بالسلم يوم زهجو من الطلعة والنزله قالوا
يمشوا يشتروا حاجاتم كلها من السوق بعد رجعوا
بقو بعدوا في الطوابق لحد الطابق199 الاول قال للتاني
في خبرين واحد سمح والتاني ماسمح
التاني قال :قول
السمح فضل لينا طابق والماسمح العماره دي ماعمارتنا

واحد سأل صحبو بتشتغل وين قال ليه:عاطلق
التاني قال ليه احسن من القعده ساكت

رباطابي راكب حافلة 00جا ينزل طقطق للكمساري00
لكمساري قال ليه داير تنزل الرباطابي قال ليه :لا بدور أجاوب

واحد مسطول شاف واحد عندو شامة كبيرة
فوق عينو الشمال, قاليهو بالله عليك دي عين ولا غين

واحد خياط عرس مرة طويلة..... زهج منها...قام كفاها

في اثنين مساطيل راكبين في مركب المركب اتقدت في نص البحر
واحد قال للتاني المركب اتقدت قام قال ليهو خليها تتقدي حقتنا هي

هههههههههههههههههههههههههههههههههههههههههههههههههههههههه

هههههههههههههههههههههههههههههههههه
مبالغة والله
مشكور سودانى وافتخر.
...مع كل الود والتقدير